حكة في كامل الجسم

عندي حالة تكررت 4 مرات في ظرف 6 شهور و هي انو فجأة نحس بحكة في كامل الجسم من شعري وانت هابط حتى صوابع سقايا و الحكة قوية برشا ما
نجمش ناقف عليها و في نفس الوقت يطلع حب في بدني الكل لونو ابيض و قلبي يولي يدق برشا و وجهي يطيح و يضهرو تجاعيد في وجهي تقول عمري 80 سنة هذا الكل يصير مع بعضو و في نفس الوقت
مشيت لطبيب عام وعملت تحاليل قالولي انو بدني عمل رياكسيون من ماكلة معينة اما التحليل ما ضهرهاش و المشكل انو كليت شاورما نهارتها و مستانس ناكلها المهم حاولت نحصر الحكاية ما نجمتش عاودت تكررت مرتين وانا فاطر في الدار و كليت حاجات مستانس بيهم و المرة الرابعة ما تعشيتش اصلا
و كانت هذي أقوى مرة و الحكة كانت أقوى ودامت تقريب نصف ساعة و خذيت حبة ديسلور و قعدت نستنى فيها تمشي على روحها

حبيت نسأل شنوة أسباب الممكنة هل يمكن انو عندي حساسية من حاجة اما ماهيش ماكلة ؟؟؟
و شنوة التحليل الاخر الي نجم نعملو خاطر الطبيب قالي ما فماش؟
و كيفاش نتصرف كي تجيني الحالة هذي خاطر نتقلق برشا؟؟
و هل انو طبيب حساسية ينجم يعاوني؟؟ خاطر الطبيب قالي زايد تخسر في فلوسك
و شكرا
و كيفاش تتصرف كي تجيني الحالة هذي ؟؟

Vous trouvez l'analyse en pièce jointe