وسواس قهري

انا مريض وسواس قهري عندي 5سنوات نمشي لطبيب نفسي و ناخذ في الدواء صحيح الدواء نقصلي الاعراض و نحس روحي ابرك اما شوي برك اما جربت اني قصيت عليه رجعت حالتي تعكرت و كيف رجعت ناخذ فيه حسيت روحي تحسنت طرف اما عمرو الدواء ما وصلني للدرجة من الشفاء الي حاشتي بيها هو يخليني نتمالك اعصابي و اكهو لكن الافكار والوساوس قاعدة تجيني بصفة كبيرة و معطلتني على حياتي وحسب ما قريت و لوجت وسالت قالولي انو العلاج الحقيقي للوسواس هو العلاج المعرفي السلوكي والدواء هو مجرد مسكن و ماهوش العلاج في حد ذاتو لذلك نحب نبدا في العلاج السلوكي المعرفي وانا حاير لشكون نمشي خاطر خلال 5 سنوات الفارطة من المعانات مع المرض مشيت ل4 اطباء نفسيين و كانو يعطوني الدواء اكهو من دون علاج سلوكي يعني الي يخدم العلاج السلوكي شكونو هل هو الطبيب النفسي الي قاري طب ام المعالج النفسي او عالم النفس الي قارين علم نفس من الانجع في رايك الي قادر على انو يقدملي برنامج علاج سلوكي معرفي و شكرا