العائلة السامة

عسلامة انا طفل عمري 19 سنة مستحق نصائحكم في كيفية التعامل مع العائلة سامة . العائلة الي نعيش فيها سببتلي برشا عقد و مشاكل خلاتني نعاني و انا في عمر صغير يوميا عرك و يوميا مشاكل مفماش احترام جملة كل شئ مباح السب و الشتم و الثلب و تطييح القدر بأبشع النعوت كلام ميتقالش حتى في شارع . هذا اولا ثانيا غياب الأب نفسيا بلغتنا جابد روحو و هذا أثر حتى على علاقتنا ماهيش قوية برشا عادية مع انو هو بابا .
ثالثا الأخوات ديما عرك و تطيح قدر و توصل حومة كاملة تسمعنا . و خاصة اختي الكبيرة
عائلة كاملة نعانيو منها اي99 بالمائة من المشاكل الي تصير تكون هي فيها مطيحة القدر علخر توصل حتى تسب امها و.
و عديد المرات طيحلي قدري بطريقة خايبة برشا على حاجات بسيطة لا و الأدهى من هذا انو بحذا العباد يعني تخيل اختك طيحلك قدرك قدام الناس . حاجة خايبة برشا و انا معادش نجم نعيش في أجواء هاكا ملي عمري 10 سنين و هي طيحلي في قدري و تقولي الي انا مانيش باش نوصل لشئ و الي انا مايتعمل عليا في شئ و مانغير مانقول لباقي .
المهم انا حاس روحي تضريت نفسيااااا و برشااا من العائلة هاذي ماعنديش برشا ذكريات باهية معاهم مع الأسف نحب نلقى حل و كان نلقى نهرب في اي وقت . نفسيتي تدمرت حرفيا و نعاني في برشا عقد في جرتهم و مزال الشئ يكبر اكثر و اكثر .